Biergarten - 簡單德國風味

Biergarten(地址：尖沙咀河內道5號普基商業中心地下)

要數香港有名的德國餐廳，一定唔小得Biergarten果份。假如你打算去德國旅行，周末來這裡找幾個德國人套套料，包你得益不少。

上周六順路去左食lunch，沒什麼客人。兩個人點左個湯，主菜是Weisswurst配個暖的酸瓜沙律、及豬手一只，另外要左杯house的Dornfelder紅酒。

先講個湯，是日餐湯係薯仔湯，足料，無可批評。主菜Weisswurst配個暖酸瓜沙律，腸是清水煮熟的、味道質素都好、無驚喜，反而個沙律、味道微酸、非常醒胃、絕對想encore。

另一道主菜-豬手，餐廳選用左比較大隻的豬手，份量十足。做法亦非常傳統，惟今次炸得過火，外皮變得太硬、肉質依然好好，配菜酸菜份量亦足夠，滿足到我呢個酸菜迷。House的Dornfelder選擇得好好，杯酒本身果味好fruity，單寧適中，同豬手夾到，值得推薦。